Plantun de Prouvènço

Pèr coumpara dos planto d'encò nostre

Ononis striata & Pinus mugo subsp. mugo

Ononis striata

Fabaceae Leguminosae

Nom en français : Bugrane striée.

Descripcioun :
L'esbroutouiro-regado es uno pichoto planto lignouso que trachis dins li tepiero roucaiouso de mountagno. Li fueio an tres fuioun di proun glandoulous. Li dènt dóu fueioun dóu mitan soun mai longo sus li bord (acò ajudo souvènt à lou destria de O. pusilla). Fai de flour jauno un pau regado de rouge, que sèmblon grosso en raport emé la planto. Li dóusso soun longo de 5 à 7 mm amé 2 à 3 grano lisso.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Pichoto planto lignouso
Taio : 5 à 20 cm
Fueio : coumpausado
Tipe bioulougico : Camefite
Cicle bioulougico : Planto renadivo

Gènre : Ononis
Famiho : Fabaceae
Famiho classico : Leguminosae

Ordre : Fabales

Coulour de la flour : Jauno
Petalo : irreguliero
Ø (o loungour) flour : 1,0 à 1,3 cm
Flourido : Printèms - Estiéu

Sòu : Ca
Autour basso e auto : 500 à 1800 m
Aparado : Noun
Jun à avoust

Liò : Tepiero roucaiouso
Estànci : Subremediterran à Subaupen
Couroulougi : Mediterrano-Moutagnenco-Nord-Ouèst
Ref. sc. : Ononis striata Gouan, 1773

Pin(-de-mountagno)

Pinus mugo subsp. mugo

Pinaceae

Noms en français : Pin de montagne, Pin couché.

Descripcioun :
Lou pin-de-mountagno, Pinus mugo subsp. mugo, rebalo au sòu e fai raramen mai de 2 m d'aut. Trachis dins quàuqui relarg secarous dis Aup Marino e dis Autis Aup souvènt sus li cresten. Se destrìo dóu pin-à-crouchet que justamen lis escaumo an quàsi ges de crouchet.

Usanço :
Li jóuini brout podon servi à faire de sirop e d'aigardent. Lou cor dóu bos servié à passa tèms de faire de tié (vèire à Pin-gavot) pèr s'esclara.